SansherOnline
बैतडी : बैतडीमा सर्पको टोकाईबाट एक महिलाको मृत्यु भएको छ । पञ्चेश्वर गाउँपालिका २ डाँगा टोलकी २६ वर्षीया निर्मला लुहारको सर्पको टोकाईबाट मृत्यु भएको जिल्ला प्रहरी कार्यालय बैतडीका प्रहरी निरिक्षक लोकराज जोशीले जानकारी दिए ।
शनिबार राती गोठमा चौपायालाई घाँस हाल्न गएकी लुहारलाई सर्पले टोकेको र लुहारलाई स्थानीय बैद्यकहाँ लगिएको थियो । बैद्यकहाँ झारफुककै क्रममा ती महिलाको मृत्यु भएको प्रहरी निरिक्षक जोशीले बताए ।
लुहारका श्रीमान रोजगारीको सिलसिलामा भारतमा छन् । उनकी एक छोरी रहेको बुझिएको छ ।
मृतक लुहारको शव पोष्टमार्टम पछि आइतबार आफन्तको जिम्मा लगाएको बैतडी प्रहरीले जनाएको छ ।
प्रतिक्रिया