सन्शेर अनलाइन
१ फागुन बैतडी । नेपाली कांग्रेसका वडा सभापती सहित मेलौली नगरपालिका– ६ का नौ जना नेपाली कांग्रेस र एमालेका कार्यकर्ताहरुले नेपाली कम्युनिष्ट पार्टी (नेकपा) प्रवेश गरेका छन् । आसन्न निर्वाचनमा नेपाली कम्युनिष्ट पार्टीका उम्मेदवार परमानन्द भट्टलाई विजयी गराउने अभियानमा सहभागी हुँदै उनिहरुले नेकपा प्रवेश गरेका हुन् ।
नेपाली कांग्रेस मेलौली वडा नं. ४ का वडा सभापती लालमणी भट्ट लगायत नेपाली कांग्रेसका कार्यकर्ता हरिदत्त ओझा, गोपालदत्त भट्ट, दशरथ भट्ट र चिले लुहार लगायतका नेपाली कांग्रेससंग आवद्ध नेता कार्यकर्ताहरु नेकपा प्रवेश गरेको जनाईएको छ । यस्तै नेकपा एमालेका सकुन्तोला भट्ट, कैलाश भट्ट र हदित्त भट्ट लगायतले नेकपा प्रवेश गरेका हुन् ।
कम्युनिष्टका साझा उम्मेदवार परमानन्द भट्ट, नेकपाका नेता नरेन्द्र कुँवर (विजयसुन्दर), प्रेम प्रकाश भट्ट र माया भट्ट लगायतका नेताहरुले उनिहरुलाई पार्टी प्रवेश गराएका हुन् । पछिल्लो समय बैतडीमा नेपाली कांग्रेस र नेकपा एमाले परित्याग गर्दै नेकपा प्रवेश गर्नेहरुको संख्या बढीरहेको छ ।
प्रतिक्रिया