SansherOnline
बैतडी : प्रधानमन्त्रीको आसन्न भारत भ्रमणको पूर्वसन्ध्यामा कांग्रेस संसदीय दलका प्रमुख सचेतक रमेश लेखकले पुष्पकमल दाहाल प्रचण्डलाई भेटेर धेरै झुलाघाटमा मोटरेबल पुल निर्माणको माग राखेका छन्।
भारतसँग जोडिएको पुरानो नाकाको रुपमा रहेको झुलाघाटमा मोटरेबल पुल निर्माणका विषयमा प्रधानमन्त्री प्रचण्डलाई भेटेर ध्यानाकर्षण गराएको नेता लेखकका स्वकीय सचिव जनक भट्टले बताए।
पञ्चेश्वरमा समेत झोलुंगे पुल निर्माणका विषयमा भारतसँग कुराकानी गर्न नेता लेखकले प्रधानमन्त्रीलाई आग्रह गरेको भट्टले बताए ।
झुलाघाटमा मोटरेबल पुल निर्माणका लागि भारतका तर्फबाट प्राविधिक अध्ययन समेत शुरु भइसकेको अवस्थामा यो कामलाई अघि बढाउन भारत भ्रमणका बेला प्रधानमन्त्रीलाई प्राथमिकतामा राख्न आग्रह गरिएको हो।
यस्तै बालुवाटार पुगेरै उनले भारत सरकारले निर्माण गर्ने गरी प्रस्तावित कञ्चनपुरको दोधरा चाँदनीमा सुख्खा बन्दरगाह लगायत सुदूरपश्चिम प्रदेशका महत्वपूर्ण योजनाहरु सम्पन्न गर्न प्रधानमन्त्री समक्ष माग गरेका हुन्।
प्रतिक्रिया