SansherOnline
बैतडी : बैतडीको सिगास गाउँपालिका २ मा बालुवा खानीमा पुरिएर थप एक जनाको मृत्यु भएको छ । बालुवा खानीमा पुरिएर घाइते भएका ६२ वर्षीय सालिभान सिंह धामीको उपचारका लागि डडेल्धुरा अस्पताल लैजाने क्रममा बाटोमै मृत्यु भएको छ ।
मंगलबार साँझ ७ बजेको समयमा सिगास गाउँपालिका २ को धौलाडीमा रहेको बल्लीजोड नजिकैको बालुवा खानीबाट बालुवा निकाल्ने क्रममा माथिबाट खसेको ढिस्कोले पुरिएर सोही वडाकी ३३ वर्षीय राजमती भाटको घटनास्थलमै मृत्यु भएको थियो । यौसँगै उक्त घटनामा परी मृत्यु हुनेको संख्या दुई पुगेको छ ।
ढिस्कोमा पुरिएर घाइते भएका क्रमान सिंह धामीको डडेल्धुरा अस्पतालमा उपचार भइरहेको प्रहरीले जनाएको छ ।
बालुवा निकाल्न गएका अन्य ३ जना सकुसल रहेका छन् ।
प्रतिक्रिया