बैतडी : नेपाली कांग्रेस जिल्ला कार्यसमिति बैतडीको नवौं बैठक पाटनमा सम्पन्न भएको छ । नेपाली कांग्रेस बैतडीका सभापति चतुरबहादुर चन्दको अध्यक्षतमा बसेको बैठकले विभिन्न निर्णय पारित गरेको नेपाली कांग्रेस बैतडीका सचिव देवराज जोशीले बताए । 

बैठकले पाटन नगरपालिका समितिको कार्यवाहक सभापतिको जिम्मेवारी नगर उपसभापति रमेश महरालाई दिने निर्णय गरेको छ । नगर सभापति मानबहादुर ऐर अनुशासनको कारवाहीमा परेपछि महरालाई कार्यवाहक सभापतिको जिम्मेवारी दिएको हो । यस्तै नेपाली कांग्रेसको भातृसंस्था नेपाल दलित संघ बैतडीको कार्यवाहक अध्यक्षको जिम्मेवारी उपाध्यक्ष सुरत पार्कीलाई दिने निर्णय भएको छ । दलित संघका अध्यक्ष रमेश कोली अनुशासनको कारवाहीमा परेपछि पार्कीलाई कार्यवाहक अध्यक्षको जिम्मेवारी दिइएको हो । 

यस्तै वैशाख ३० गतेभित्र वडा सम्मेलन गरिसक्ने निर्णय भएको सचिव जोशीले बताए । ८४ ओटै वडामा वडा सम्मेलनको तयारीका लागि समेत आग्रह गरिएको छ । 

यस्तै आगामी जेठ १५ गतेपछि पार्टीको क्रियाशील सदस्यता नवीकरण र नयाँ सदस्यता प्रदान गर्ने अभियान सञ्चालन गर्ने निर्णय भएको सचिव जोशीले बताए ।

सम्बन्धित शीर्षकहरु

नेविसंघले स्थापना दिवसको अवसरमा सुर्नयासहित बैतडीका सबै स्थानिय तहहरुलाई ज्ञापनपत्र बुझायो

सुदूरपश्चिमको मुख्यमन्त्रीमा समाजवादीका सोडारी नियुक्त,आजै शपथ कति दलको समर्थन ?

एकीकृत समाजवादीको महाधिवेशन असारमा सर्‍यो

दीर्घ सोडारीलाई सुदूरपश्चिममा मुख्यमन्त्री उम्मेदवार बनाउने एकीकृत समाजवादीको निर्णय

सुदूरपश्चिममा समाजवादीको समर्थन फिर्ता

राजेन्द्रले मागे रवि लामिछानेको राजीनामा