SansherOnline
बैतडी : बैतडीको झुलाघाट नाका कोरोना परीक्षण गर्दा आज दुई जनामा कोरोना पुष्टि भएको छ । भारतबाट स्वदेश आउँदै गरेका बैतडीको मेलौली वडा नं ४ का २३ बर्षीय पुरुष र बझाङको बुंगलका एकजना पुरुषमा कोरोना पुष्टि भएको स्वास्थ्य कार्यालय बैतडीका सूचना अधिकारी विपीन लेखकले जानकारी दिए ।
झुलाघाट नाकामा १३३ जनाको कोरोना परीक्षण गर्दा दुईमा कोरोना देखिएको हो । कोरोना देखिएका दुवै जनालाई स्वास्थ्यका मापदण्ड अपनाएर होम आइसोलेसनमा बस्ने गरेर पठाएको सूचना अधिकारी लेखकले जानकारी दिए ।
पछिल्लो समयमा कोरोना संक्रमण बढ्दै गएकाले स्वास्थ्यका मापदण्ड अपनाउनुपर्नेमा स्वास्थ्यकर्मीहरुले जोड दिएका छन् । यस्तै कोरोना विरुद्धको बुस्टर डोज लगाउने कार्य भइरहेकाले नजिकका स्वास्थ्य संस्थामा गएर खोप लगाउन समेत आग्रह गरिएको छ ।
प्रतिक्रिया