SansherOnline
बैतडी : बैतडीसहित सुदूरपश्चिममा भिटौलो पर्व सुरु भएको छ । चैत महिनामा यहाँ दाजुभाईले दीदिबहिनीलाई भेट्ने गरेका छन् । चैत १ गतेदेखि यो पर्व सुरु हुन्छ । चैत महिनाको अवधिमा बिहे भइसकेकी छोरीचेलीलाई माइतीको तर्फबाट दाजुभाइले भेट्ने चलनलाई भिटौलो पर्व भनिन्छ ।
परम्परागत कथन अनुसार भारतको कुमाउमा एक दाजुले आफ्नी बहिनीलाई चैत महिनामा भेट्ने बताएको र पछि व्यस्तताका कारण भेट्न नपाएको सत्य कथासँग यो भिटौलो अर्थात् चेलीबेटीलाई भेट्ने चलन जोडिएको छ ।
भिटौलोमा माइतीले मीठो खानेकुरा र लुगाकपडा छोरीबहिनीको घरमा पु¥याउने चलन छ । माइतीबाट आएको कोसेलीलाई प्रेमपूर्वक गाउँ छिमेकमा बाँड्ने चलन समेत रहेको छ ।
प्रतिक्रिया