SansherOnline
बैतडी : बैतडीमा भोलिदेखि जिल्लास्तरीय राष्ट्रपति रनिङ शिल्ड प्रतियोगिता शुरु हुने भएको छ । १० ओटै पालिकास्तरीय राष्ट्रपति रनिङ शिल्ड प्रतियोगिता सम्पन्न भएपछि जिल्लास्तरीय प्रतियोगिता शुरु हुन लागेको हो ।
प्रतियोगितामा १० ओटै पालिकाका १० ओटा टीमको सहभागिता रहने जिल्ला खेलकुद विकास समितिका अध्यक्ष चमनकुमार भण्डारीले बताए । पाटनस्थित कृष्ण माविको खेल मैदानमा प्रतियोगिता सञ्चालन हुने उनले बताए ।
भोलि शुक्रबार देखि हुने प्रतियोगिताको तयारी पूरा भइसकेको अध्यक्ष भण्डारीले बताए । प्रतियोगिता अन्तर्गत छात्रछात्रा भलिबल, छात्रछात्रा कबड्डी, छात्राछात्रा एथेलेटिक्स र छात्राछात्रा कराँते सञ्चालन हुने बताइएको छ ।
शुक्रबार बिहान ८ बजेदेखि प्रतियोगिता शुरु भएपनि उद्दघाटन सत्र भने बिहान ११ बजे हुने जनाइएको छ ।
फागुन १४ सम्म सञ्चालन हुने प्रतियोगितामा विजेता टीमले शिल्ड, ट्रफी र प्रमाणपत्र पाउने छ ।
प्रतिक्रिया