बैतडी : बैतडी घर भएका अनेरास्ववियुका नेता गोविन्द गिरी उपाध्यक्षमा निर्वाचित भएका छन् । एमाले निकट विद्यार्थी संगठन अनेरास्ववियुमा लामो समयदेखि आवद्ध रहेका गिरी उपाध्यक्षमा निर्वाचित भएका हुन् ।
गएराति सम्पन्न मतगणना अनुसार गिरी उपाध्यक्षमा निर्वाचित भएका बताइएको छ । यसअघि उनी अनेरास्ववियुको उपमहासचिव रहेका थिए । विद्यार्थीको हकहितका लागि आफूले काम गर्दै आएको गिरीले बताए ।
नेकपा एमाले निकट विद्यार्थी सङ्गठन अनेरास्ववियुको नयाँ नेतृत्व चयनका लागि बिहीबार चुनाव भएको थियो । अध्यक्षमा भने समिक बडाल निर्वाचित भएका छन् । निवर्तमान महासचिव बडाल अध्यक्षमा निर्वाचित भएका हुन् ।
गिरीसंगै उपाध्यक्षमा धर्म गिरी, नारायण घर्ती र मर्यादा विष्ट तथा महासचिवमा नरेश रोकाया निर्वाचित भएका छन् ।
यस्तै, सचिवमा सञ्जिव धिताल, सुजन कडरिया, प्रकाश पौडेल, दिपेश प्रसाईँ, अञ्जना शिवाकोटी, आरती भट्टराई, विनिता काफ्ले र दीपक धामी निर्वाचित भएका छन् । कोषाध्यक्षमा सङ्गम अर्याल निर्वाचित भएका छन् ।
अनेरास्ववियुको २३औँ राष्ट्रिय महाधिवेशनमा एक हजार पाँच सय १७ जनाले मतदान गरेका थिए ।
प्रतिक्रिया