२०८२ भदौ १४ गते शनिबार
ट्रेन्डिङ

गेटामा यसै वर्ष एमबीबीएस पढाइ हुन्छ : स्वास्थ्य मन्त्री पाैडेल

SansherOnline रासस
बुधबार ०४, भदौ २०८२ ०९:१२
गेटामा यसै वर्ष एमबीबीएस पढाइ हुन्छ : स्वास्थ्य मन्त्री पाैडेल

सुदूरपश्चिम । स्वास्थ्य तथा जनसङ्ख्यामन्त्री प्रदीप पौडेलले कैलालीको सहिद दशरथचन्द स्वास्थ्य विज्ञान विश्वविद्यालयमा चालु आर्थिक वर्षमै एमबिबिएस पढाइ हुने बताउनुभएको छ । 
 
मन्त्री पौडेलले आज धनगढीमा आयोजित कार्यकर्ता भेटघाटमा उक्त विश्वविद्यालयमा पहिलो चरणमा ५० जनालाई अध्ययनको व्यवस्था गर्न लागिएको जानकारी दिनुभयो ।
  
मन्त्री पौडेलले विभिन्न आठ वटा जटिल रोगका बिरामीका लागि पहिलो पटक सरकारले तीन लाख रूपैयाँ बराबरको स्वास्थ्य सेवाको व्यवस्था गरेको उल्लेख गर्नुभयो । उहाँले विश्व स्वास्थ्य सङ्गठनले देशलाई रुबेलामुक्त घोषणा गर्नु उपलब्धि भएको बताउनुभयाे । 
  
स्वास्थ्यमन्त्री पौडेलले आज सो विश्वविद्यालयको आकस्मिक सेवाको उद्घाटन गर्ने कार्यक्रम थियो । विश्वविद्यालय ऐन पारित भइसकेको अवस्थामा आकस्मिक कक्षको उद्घाटन गर्नुको अर्थ नरहेको भन्दै स्थानीयले विरोध जनाएपछि सो कार्यक्रम स्थगित गरिएको थियो । 

प्रतिक्रिया