SansherOnline
बैतडी : बैतडीमा १५ औं जिल्ला स्तरीय राष्ट्रपति रनिङ शिल्ड प्रतियोगिता पुर्चौडी नगरपालिकामा आयोजना हुने भएको छ। वैशाख ३ देखि ५ गतेसम्म पुर्चौडीको विशाल पार्क खेलमैदानमा प्रतियोगिता सञ्चालन हुने जिल्ला खेलकुद समितिका अध्यक्ष चमन कुमार भण्डारीले जानकारी दिएका छन् ।
प्रतियोगितामा जिल्लाका १० वटै स्थानीय तहहरूको सहभागिता रहनेछ। खेलकुद प्रवर्द्धन तथा विद्यार्थीहरूलाई खेल गतिविधिमा प्रेरित गर्ने उद्देश्यले हरेक वर्ष आयोजना गरिने प्रतियोगितामा विभिन्न एथलेटिक्स स्पर्धाहरू समावेश हुनेछन् । गत वर्ष मेलौली नगरपालिकामा सम्पन्न १४ औं राष्ट्रपति रनिङ शिल्ड प्रतियोगितामा मेलौली नगरपालिकाले प्रथम स्थान हासिल गरेको थियो ।
यस वर्षको प्रतियोगितामा पनि विभिन्न स्थानीय तहका खेलाडीहरू बीच प्रतिस्पर्धा हुने अपेक्षा गरिएको छ । जिल्ला खेलकुद समितिले प्रतियोगितालाई सफल बनाउन तयारी तीव्र पारिएको जनाएको छ । प्रतियोगिताले जिल्लाको खेलकुद क्षेत्रको विकासमा महत्वपूर्ण योगदान पुग्ने अपेक्षा गरिएको छ ।
प्रतिक्रिया