SansherOnline
बैतडी : बैतडीको पाटन बहुमुखी क्याम्पसमा स्वतन्त्र विद्यार्थी युनियन (स्ववियू) निर्वाचनका लागि तीन जनाले सभापति पदमा उम्मेदवारी दिएका छन् । आगामी निर्वाचनमा विद्यार्थीहरूले कसलाई आफ्नो नेतृत्व चयन गर्नेछन् भन्ने विषयमा चासो बढ्दै गएको छ ।
नेपाली कांग्रेस निकट नेपाल विद्यार्थी संघ (नेविसंघ) बाट माधवी भट्टले प्यानलसहित उम्मेदवारी दिएकी छन् । भट्टको प्यानलमा सचिवमा चाहना बिष्ट, कोषाध्यक्षमा कौशिला साउँद, तथा सदस्यहरूमा सिता विक मालती बिष्ट, कविता महरा, र हिरा विक रहेका छन् । विशेषतः, यो प्यानल सबै महिला उम्मेदवारहरूको उपस्थितिले विशेष पहिचान बनाएको छ ।
नेकपा (माओवादी केन्द्र) निकट अखिल क्रान्तिकारी र नेकपा (एमाले) निकट अनेरास्ववियूले संयुक्त रूपमा सभापतिमा संजय कुमार भण्डारीलाई उम्मेदवार बनाएका छन् । सचिवमा प्रकाश भट्ट, कोषाध्यक्षमा गजेन्द्र चुनारा, तथा सदस्यहरूमा सन्तोष जोशी, यमुना पेला, कविता कुमारी महरा र यसोदा ऐरी रहेका छन्। यो गठबन्धन विद्यार्थी राजनीतिमा नयाँ समीकरण निर्माण गर्ने प्रयासमा रहेको देखिन्छ ।
यस्तै जनजागरण स्वतन्त्र विद्यार्थी युनियनबाट गौतम प्रशाद अवस्थी सभापतिका लागि उम्मेदवार बनेका छन् । उनको समूहमा सचिवमा कमला भट्टराई, कोषाध्यक्षमा दिनेश प्रसाद भट्ट तथा सदस्यहरूमा आकाश पन्त विवेक सिंह मडै, प्रकाश दत्त भट्ट र मनिसा कठायत रहेका छन्।
स्वतन्त्र विद्यार्थी युनियनको उम्मेदवारी विद्यार्थीहरूको वैकल्पिक नेतृत्व खोजीको संकेतका रूपमा हेरिएको छ । नेविसंघले पाटन क्याम्पसमा निरन्तर जित्ने परम्परा कायम राख्दै आएको छ । यसपटकको प्रतिस्पर्धा निकै रोमाञ्चक हुने अपेक्षा गरिएको छ किनकि विद्यार्थी मतदाताहरू विभिन्न विचारधारात्मक ध्रुवीकरणबीच आफ्नो प्रतिनिधि चयन गर्नेछ ।
प्रतिक्रिया