SansherOnline
गाैरव चन्द, बैतडी : हिन्दुराष्ट्र पुन स्थापना र राजसंस्थाकाे माग गर्दै बैतडीमा आन्दोलन सुरु भएकाे छ । संयुक्त जनआन्दोलन समितिकाे अगुवाइमा विभिन्न हिन्दुवादी तथा राष्ट्रवादी शक्तिहरूले आन्दोलनका कार्यक्रम अघि बढाएका छन्।
राजसंस्था पुन स्थापना जनआन्दोलन समितिका अभियन्ता प्रेमबहादुर चन्दका अनुसार राप्रपा, राप्रपा नेपाल तथा अन्य हिन्दुवादी समूहहरूकाे सहभागितामा प्रदर्शन भएकाे छ। उनले हिन्दुराष्ट्र नेपालकाे पहिचान भएकाले सबैलाई एकजुट हुन आग्रह गरेका छन् ।
चन्दका अनुसार देशमा व्याप्त दलतन्त्रका कारण भ्रष्टाचार परनिर्भरता बढेकाे छ र विधिको शासन कमजोर बनेकाे छ। उनले राजसंस्था पुन स्थापना र हिन्दुराष्ट्र कायम नभएसम्म आन्दोलन जारी रहने बताए । भाेली १५ गते काठमाडौंमा हुने वृहत जनआन्दोलनका लागि पनि तयारी भइरहेको उनले जानकारी दिए ।
विदेशी शक्तिकाे इसारामा नेपालका नेताहरूले धर्म निरपेक्षता लागू गरेकाे भएपनि नेपाली जनताले त्यसलाई अस्वीकार गरेकाे उनको भनाइ छ । संयुक्त जनआन्दोलन समितिले संघीयता खारेजी राजसंस्था पुन स्थापना र हिन्दुराष्ट्रकाे माग राख्दै देशभर आन्दोलनका कार्यक्रम गरिरहेको छ ।
प्रतिक्रिया