SansherOnline
बैतडी : नेपाल लोकतांत्रिक खेलकुद संघ बैतडीको प्रथम जिल्ला अधिवेशन पुर्चौडिमा सम्पन्न भएको छ । बिहीबार पुर्चौडी नगरपालिका २ स्थित कमल विशाल पार्कको सभाहलमा अधिवेशन सम्पन्न गरिएको हो । संघका जिल्ला संयोजक पुस्कर धानुकको अध्यक्षतामा सम्पन्न अधिवेशनमा पुर्चौडी नगर प्रमुख दीपक बहादुर बम प्रमुख अतिथि रहेका थिए ।
कार्यक्रमको सञ्चालन सरोज बमले गरेका थिए । अधिवेशनमा विशिष्ट अतिथिको रूपमा नेपाली कांग्रेस कञ्चनपुर क्षेत्र नं. २ का क्षेत्रीय सचिव गणेश विष्ट सहभागी भए । त्यस्तै, पुर्चौडी नगर प्रवक्ता एवं वडा नं. ७ का अध्यक्ष धिरेन्द्र बम वडा नं. १ का अध्यक्ष गणेश गडाल वडा नं. २ का अध्यक्ष चक्र बम पुर्चौडी नगर खेलकुद समिति अध्यक्ष अमिर वड लगायत नेपाली कांग्रेससँग सम्बन्धित विभिन्न भातृ संगठनका प्रतिनिधिहरूको उपस्थिति रहेको थियो ।
अधिवेशनले नेपाल लोकतांत्रिक खेलकुद संघ बैतडीको पुनर्गठित जिल्ला समिति चयन गरेको छ । पुस्कर धानुक अध्यक्ष रहेको २५ सदस्यीय जिल्ला कमिटी गठन गरिएको छ । त्यस्तै, पुर्चौडी नगरपालिका संयोजकमा रमेश रैकाल, सचिवमा करन भट्ट कोषाध्यक्षमा अस्मिता धानुक र सह-सचिवमा चाँदनी बम चयन भएका छन् । बाँकी १० वटै वडाबाट सदस्य थप गर्दै समिति पूर्णता दिने सचिव भट्टले जानकारी दिए ।
कार्यक्रमका प्रमुख अतिथि नगर प्रमुख दीपक बहादुर बमले पालिकाबाट खेलकुद गतिविधिहरूलाई निरन्तरता दिने प्रतिबद्धता जनाए । साथै अध्यक्ष धानुकले पुर्चौडी बहुमुखी क्याम्पसमा एक-दुई हप्ताभित्र आत्मरक्षा सम्बन्धी तालिम सञ्चालन गर्ने योजना रहेको बताए । उनले स्थानीय स्तरमा उपलब्धिमूलक खेलकुद गतिविधि सञ्चालन गर्नुपर्ने आवश्यकता पनि औंल्याए ।
प्रतिक्रिया