SansherOnline
बझाङ : माध्यमिक शिक्षा परीक्षा (एसईई) दिएर घर फर्केकी एक किशोरीले आत्महत्या गरेकी छन् । जिल्लाको केदारस्यूँ गाउँपालिका १ रायलकी १७ वर्षीया आकांक्षा मल्लले मंगलबार साँझ आफ्नै घरको कोठामा झुन्डिएर आत्महत्या गरेकी हुन् । उनी शिक्षक तथा साहित्यकार पूर्ण मल्लकी छोरी हुन् ।
जिल्ला प्रहरी कार्यालय बझाङका प्रहरी नायब उपरीक्षक (डीएसपी) युवराज भण्डारीका अनुसार मल्लले मंगलबार अनिवार्य विज्ञान विषयको परीक्षा दिएर घर फर्केकी थिइन् । बिहान परीक्षा दिएर आएकी उनी बेलुका झुन्डिएको अवस्थामा मृत फेला परेकी हुन् डीएसपी भण्डारीले भने । घटनास्थलबाट प्रहरीले सुसाइड नोट फेला पारेको छ। उक्त नोटमा अरू कसैको कारणले नभई आफ्नै कारणले आत्महत्या रोजेको उल्लेख गरिएको भए पनि वास्तविक कारण खुलाइएको छैन ।
प्रहरीको प्रारम्भिक अनुमान अनुसार परीक्षा बिग्रिएको तनावका कारण उनले आत्महत्या गरेको हुनसक्ने आशंका गरिएको छ । प्रहरीले घटनाको थप अनुसन्धान गरिरहेको छ । मल्ल केदारस्यूँ गाउँपालिका १ स्थित गर्जेपानी मावि, रायलकी विद्यार्थी थिइन् । उनका बुवा पूर्ण मल्ल सोही विद्यालयका शिक्षक हुन् साथै बझाङी भाषा तथा साहित्यका चर्चित गजलकार तथा लेखक संघ बझाङका अध्यक्षसमेत हुन् ।
प्रतिक्रिया