SansherOnline
बैतडी : सुदूरपश्चिम विश्वविद्यालय अन्तर्गत रहेका क्याम्पसहरूमा स्वतन्त्र विद्यार्थी युनियन (स्ववियू) निर्वाचन प्रक्रिया औपचारिक रूपमा सुरु भएको छ । मंगलबार क्याम्पसहरूमा संगठन दर्ता तथा विद्यार्थी भर्नाको समय सकिएको छ । बैतडीका तीन क्याम्पसमा विद्यार्थी संगठनहरू दर्ता भएका छन् ।
पाटन बहुमुखी क्याम्पसमा चार समूह तीन दलनिकट विद्यार्थी संगठन र एक स्वतन्त्र समूह दर्ता भएका छन् । नेपाली कांग्रेसनिकट नेपाल विद्यार्थी संघ (नेविसंघ), नेकपा माओवादी केन्द्रनिकट अखिल क्रान्तिकारी, नेकपा एमालेनिकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियू) तथा जन जागरण स्वतन्त्र विद्यार्थी समूहले दर्ता गराएका हुन् । उता मणिलेख क्याम्पस र जगन्नाथ क्याम्पसमा भने प्रमुख तीन दलनिकट विद्यार्थी संगठनहरू मात्र दर्ता भएका छन् ।
निर्वाचन कार्यतालिका अनुसार चैत १३ गते मतदाता नामावली प्रकाशित गरिनेछ । उम्मेदवारी दर्ताका लागि चैत १७ गतेको समय तोकिएको छ भने चैत २७ गते मतदान हुने छ । निर्वाचन स्वतन्त्र विद्यार्थी युनियन निर्वाचन निर्देशिका २०७९ अनुसार सञ्चालन गरिनेछ ।
प्रतिक्रिया