SansherOnline
बैतडी : बैतडी जिल्लामा डिभिजन वन कार्यालयले नेपाल प्रहरी, सशस्त्र प्रहरी र नेपाली सेनालाई वन डढेलो नियन्त्रणका लागि आवश्यक सामग्री हस्तान्तरण गरेको छ । सोमबार प्रमुख जिल्ला अधिकारी दीर्घराज उपाध्याय मार्फत सुरक्षा निकायलाई फायर र्याक, आगो निभाउने स्वाटर, हेल्मेट, पञ्जा र र्याक लगायतका सामग्री प्रदान गरिएको हो।
डिभिजन वन कार्यालयका प्रमुख भरतप्रसाद भट्ट का अनुसार आर्थिक वर्ष २०८१,८२ को वार्षिक स्वीकृत कार्यक्रम अन्तर्गत यी सामग्री वितरण गरिएको हो । डिभिजन वन कार्यालयले नेपाली सेनाको श्रीबक्स गुल्म गढी ब्यारेक, सशस्त्र प्रहरी बल नेपाल नं. ५१ गुल्म हेडक्वार्टर बैतडी र जिल्ला प्रहरी कार्यालय बैतडीलाई १०/१० सेटका दरले अग्नि नियन्त्रणका सामग्री हस्तान्तरण गरेको छ । यस्तै, जिल्लाका ६ ओटा सब-डिभिजन वन कार्यालय तथा अग्नि जोखिम उच्च रहेका सामुदायिक वनहरूमा पनि सामग्री वितरण गर्ने तयारी भइरहेको छ ।
डिभिजन वन कार्यालयका अनुसार यो वर्ष आगलागी हुने समयमा वर्षा भएकाले ठूला डढेलोका घटना नभए पनि आगामी दिनमा अग्नि नियन्त्रणका उपायहरूलाई प्रभावकारी बनाइने छ । साथै बन अतिक्रमण, वनक्षेत्रको भोगाधिकार र आगलागी नियन्त्रण सम्बन्धी अन्तरक्रिया कार्यक्रम पनि सञ्चालन गरिनेछ ।
प्रतिक्रिया