SansherOnline
बैतडी : समान हक समान अवसर एकताबद्ध दलित आन्दोलनको सरोकार पूर्ण समानुपातिक प्रतिनिधित्व दलित समुदायको अधिकार भन्ने नाराका साथ बैतडीमा ६० औं अन्तर्राष्ट्रिय जातीय विभेद उन्मूलन दिवस मनाइएको छ । दलित समाज विकास मञ्चको आयोजनामा विभिन्न कार्यक्रम गरिएका थिए । कार्यक्रममा जातीय विभेद उन्मूलनका लागि सचेतनामूलक याली बैतडी जिल्ला सदरमुकाम गोठलापानी देखि गढी सम्म निकाल्दै गढी स्थित दशरथचन्द नगरकार्यपालिको हलमा अन्र्तक्रिया कार्यक्रमको आयोजना गरेको थियो ।
जिल्ला प्रशासन कार्यालय बैतडी र जिल्ला प्रहरी कार्यालय बैतडीको सहकार्य तथा दशरथचन्द नगरपालिका र सामाजिक विकास कार्यालय बैतडीको सहयोगमा दलित समाज विकास मञ्चले कार्यक्रमको आयोजना गरेको थियो ।
कार्यक्रममा सहभागीहरूले बोल्दै अझै सम्म पनि दलितमाथीको विभेद अन्त हुन नसकेको गुनासोमा जोड दिएका थिए । समाजमा दलितमाथी विभिन्न अपमानित शब्दहरु समेत प्रयोग गर्ने चलन रहेको दशरथचन्द नगरकार्यपालिका सदस्य प्रेम दयालको भनाई छ ।
कार्यक्रमका प्रमुख अतिथी एवं नेकपा एमाले बैतडी जिल्ला इन्चार्ज लिलाधर भट्टले समाजमा रहेका सबै प्रकारका विभेद र असमानताहरु हटाउनु आजको आवश्यकता रहेको बताउनुभयो । हिन्दु ग्रन्थहरुमा उल्लेख भएका कुराहरुलाई अपव्याख्या गर्दै दलित समुदायका व्यक्तिहरुमाथी विभेद हुने गरेको उहाँले बताउनुभयो । हिन्दु धर्मले कर्मलाई प्रधान मानेको भएपनि समाजको विकासक्रमसंगै अपव्याख्या हुदै समाजका शासकहरुले कर्मको आधारमा विभेदको सुरुवात गरेको उहाँको भनाई छ ।
कार्यक्रमका सभाध्यक्ष एवं दलित समाज विकास मञ्चका सचिव बलभद्र दयालले दलित समुदायमाथीको विभेद अन्त आजको मुख्य आवश्यकता भएको बताउनुभयो । दलित समाज विकास मञ्चले आयोजना गरेको अन्र्तराष्ट्रिय जातीय विभेद उन्मुलन दिवसको सहकार्य जिल्ला प्रशासन कार्यालय, बैतडीले गरेको थियो । दिवस मनाउनमा दरशथचन्द नगरपालिकाले आर्थिक सहयोग गरेको दलित समाज विकास मञ्चका कार्यक्रम संयोजक सुरेश सेरलाले बताउनुभयो ।
कार्यक्रममा अधिकारकर्मी, स्थानीयबासी, राजनीतिक दलका प्रतिनिधि तथा समाजसेवीहरूको उपस्थिति रहेको थियो ।
प्रतिक्रिया