SansherOnline
बैतडी : पूर्व प्रधानमन्त्री गिरिजाप्रसाद कोइरालाको १५ औँ स्मृति दिवस बैतडीमा पनि मनाइएको छ । नेपालमा सशस्त्र द्वन्द्वको अन्त्य गर्दै शान्ति प्रक्रियालाई संस्थागत गर्न निर्णायक भूमिका निर्वाह गरेका कोइरालाको योगदानलाई सम्झँदै कांग्रेस बैतडीले विशेष कार्यक्रम आयोजना गरेको हो ।
नेपाली कांग्रेस बैतडीको जिल्ला कार्यालय गोठलापानीमा आयोजित अन्तरक्रियात्मक कार्यक्रममा कोइरालाको योगदानबारे चर्चा गरिएको थियो । नेविसंघका नेता धनी भट्टका अनुसार कार्यक्रममा कोइरालाको तस्वीरमा माल्यार्पण र श्रद्धाञ्जली अर्पण गरिएको थियो ।
कार्यक्रममा नेपाली कांग्रेस बैतडीका सभापति चतुरबहादुर चन्द, पूर्व सभापति नरेन्द्रसिंह थापा, जिल्ला कोषाध्यक्ष चक्र चन्द लगायत विभिन्न जनप्रतिनिधि, भ्रातृ संगठनका प्रतिनिधि र कांग्रेसका नेता तथा कार्यकर्ताहरूको उपस्थिति रहेको थियो।
वि.सं २०६६ साल चैत ७ गते निधन भएका कोइराला नेपालमा लोकतान्त्रिक गणतन्त्र स्थापनाका प्रमुख अभियन्ता मानिन्छन् । उनले शान्ति प्रक्रियादेखि संघीय लोकतान्त्रिक गणतन्त्र स्थापनासम्म महत्वपूर्ण भूमिका खेलेका थिए ।
प्रतिक्रिया