SansherOnline
बैतडी : बैतडीको पुर्चौडी बहुमुखी क्याम्पसमा स्वतन्त्र विद्यार्थी युनियन (स्ववियु) सभापतिमा नेपाल विद्यार्थी संघ नेविसंघ की उम्मेदवार उत्तरा महरा विजयी भएकी छन् । मङ्गलबार सम्पन्न निर्वाचनमा महराले अन्य प्रतिस्पर्धीलाई पछि पार्दै जित हासिल गरेकी हुन्। स्ववियु चुनावको मतगणना पश्चात् आधिकारिक नतिजा सार्वजनिक भएसँगै महराको जितको खबर बाहिरिएको हो ।
महराले ११९ मत प्राप्त गर्दै सभापतिमा निर्वाचित भइन् । उनका प्रतिस्पर्धी अनेरास्ववियुका विष्णु दत्त अवस्थीले १०३ मत ल्याए भने अखिल क्रान्तिकारीकी गीता भण्डारीले ९३ मत प्राप्त गरिन् ।
यस्तै सचिव पदमा नेविसंघकै सन्दीप भण्डारी ११७ मत ल्याएर विजयी भए । कोषाध्यक्ष पदमा भने अनेरास्ववियुकी बबिता साउदले १२५ मत प्राप्त गर्दै जित हासिल गरिन् ।
जितसँगै महराले क्याम्पसका विद्यार्थीको हकहितमा काम गर्ने प्रतिबद्धता व्यक्त गरेकी छिन् ।
प्रतिक्रिया