२०८१ चैत २० गते बिहिबार
ट्रेन्डिङ

सिगास शिक्षा क्याम्पसमा नेविसंघद्वारा तालाबन्दी

SansherOnline SansherOnline
मङ्गलबार ०४, चैत २०८१ ०९:२९
सिगास शिक्षा क्याम्पसमा नेविसंघद्वारा तालाबन्दी

बैतडी : बैतडीको सिगास शिक्षा क्याम्पसमा नेपाल विद्यार्थी संघ (नेविसंघ) ले तालाबन्दी गरेको छ। स्वतन्त्र विद्यार्थी युनियन (स्ववियू) निर्वाचनमा क्याम्पस प्रमुख राजेन्द्र सिंह धामीले मनोमानी गरेको आरोप लगाउँदै नेविसंघले क्याम्पस प्रशासनमा तालाबन्दी गरेको हो ।

नेविसंघका अनुसार स्ववियू निर्वाचनका लागि नेविसंघ र अनेरास्ववियूबीच सहमति भई हस्ताक्षर बुझाउँदा क्याम्पस प्रमुखले अस्वीकार गर्दै एकलौटी रूपमा अनेरास्ववियूका विद्यार्थीलाई मात्र किन सहमति दिएको भन्ने प्रश्न उठाएका छन् । उनीमाथि अन्य विद्यार्थी संगठनहरूको सहमतिको अवहेलना गरेको आरोप लागेको छ । यस घटनापछि क्याम्पस परिसरमा विद्यार्थी संगठनहरूबीच तनाब उत्पन्न भएको छ।

नेविसंघले निष्पक्ष निर्वाचन हुनुपर्ने माग राख्दै तालाबन्दी जारी राखेको जनाएको छ । क्याम्पस प्रशासनले भने यस विषयमा कुनै औपचारिक प्रतिक्रिया दिएको छैन ।

 

 

 

 

 

 

प्रतिक्रिया