SansherOnline
गौरब चन्द - बैतडी :बैतडीको पुर्चौंडी बहुमुखी क्याम्पसमा चैत ६ गते हुन गइरहेको स्वतन्त्र विद्यार्थी युनियन (स्ववियु) निर्वाचनमा नेपाल विद्यार्थी संघ (नेविसंघ) अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) र अखिल (क्रान्तिकारी)बीच त्रिपक्षीय प्रतिस्पर्धा हुने भएको छ। तर हालसम्मको विद्यार्थी माहोल हेर्दा पुर्चौंडी बहुमुखी क्याम्पसको स्ववियु चुनावमा नेविसंघको पल्ला भारी देखिन्छ । अर्थ नेविसंघको जित्ने सम्भावना बढी छ ।
नेविसंघले सभापतिमा उत्तरा महरालाई उम्मेदवार बनाएको छ। सचिवमा सन्दीप भण्डारी, कोषाध्यक्षमा भागरथी कुमारी जाशी चयन भएका छन्। प्रत्यक्ष सदस्यतर्फ अस्मिता बिष्ट, चाँदनी कुमारी बम, अस्मिता धनुसे, डम्बर बहादुर एेर, केशव साउद तथा समानुपातिक सदस्यतर्फ अमिर बडु, संगिता कुवर, सरिता धनुसे, निर्मला रतोकि, कलावती धामी, कलावती जोशी, निर्मला जोशी रहेका छन् ।
विद्यार्थीहरूमाझ लोकप्रिय महरा क्याम्पसका गतिविधिमा निरन्तर सक्रिय नेतृका रूपमा परिचित छिन्। उनी नेतृत्व विकासको अनुभव बोकेको उम्मेदवार भएकाले विद्यार्थीहरूबीच उनको समर्थन उच्च देखिन्छ। नेविसंघले गुणस्तरीय शिक्षाका लागि मल्टिमिडिया कक्षा सञ्चालन खेलकुद सामग्रीको सहज उपलब्धता तथा क्याम्पसलाई सुदूरपश्चिम विश्वविद्यालयको आङ्गिक क्याम्पस बनाउने लगायतका ठोस योजना अघि सारेको छ । जसले विद्यार्थीहरूलाई आकर्षित गरिरहेको छ ।
स्ववियु निर्वाचनका लागि क्याम्पसमा पाँच सय बढी मतदाता रहेका छन् । हालसम्मको विद्यार्थी धारणा हेर्दा नेविसंघको पल्ला भारी देखिन्छ किनकि विद्यार्थीहरूबीच महराको नेतृत्व क्षमतामाथि विश्वास बढ्दो छ । विगतका गतिविधिहरूमा उनको सक्रिय भूमिका विद्यार्थीको समस्याप्रति उनको चासो र संगठनले अघि सारेका ठोस योजनाका कारण नेविसंघ प्रतिस्पर्धामा अगाडि देखिएको छ ।
अबको विजयी हुन्छ भन्ने टुंगो चैत ५ गते लाग्नेछ तर हालसम्मको संकेतअनुसार नेविसंघले अग्रता लिने सम्भावना प्रबल देखिएको छ ।
प्रतिक्रिया