SansherOnline
बैतडी : बैतडीको सिगाश शिक्षा क्याम्पसमा यही चैत ५ गते हुने स्ववियु निर्वाचनकाे लागि अनेरास्ववियुले मात्र उम्मेदवारी दर्ता गरेको छ। नेपाल विद्यार्थी संघ (नेविसंघ)ले समय सकिएपछि पनि उम्मेदवारी दर्ताको माग गरेपछि विवाद सिर्जना भएको छ ।
क्याम्पस प्रमुख राजेन्द्रसिंह धामीका अनुसार निर्धारित समय सीमा भित्र अनेरास्ववियुकाे उम्मेदवारी दर्ता भएकाे छ । तर समय सकिएपछि नेविसंघले पनि उम्मेदवारी दर्ता गर्न पाउनुपर्ने माग गरेको हाे । हामीले समय सकिएपछि उम्मेदवारी लिन नसकिने जानकारी गराएका छौं प्रमुख धामीले भने । तर अहिले विद्यार्थी संगठनहरूलाई मिलेर आउन आग्रह गरेका छौं । नेविसंघले समय थप गर्नुपर्ने माग राखे पनि क्याम्पस प्रशासनले अहिलेसम्म कुनै निर्णय गरिसकेको छैन । यस विषयमा थप छलफल गरी टुंगो लगाइने बताइएको छ ।
अहिलेको अवस्थालाई हेर्दा सिगाश शिक्षा क्याम्पसमा अनेरास्ववियुको एकल उम्मेदवारी परेकाले चुनाव प्रतिस्पर्धाविहीन हुने देखिएको छ । यदि अन्य पक्ष सहभागी नबने चुनाव स्वत अनेरास्ववियुको पक्षमा जानेछ ।
विद्यार्थीहरूबीच अहिले चासोको विषय बनेको छ नेविसंघ चुनावी प्रतिस्पर्धाबाट पछि हटेको हो कि रणनीतिक रूपमा ढिलो सक्रिय भइरहेको छ ? क्याम्पस प्रमुख धामीलेभने हामीले नेविसंघलाई अन्तिम समयसम्म पर्खियौं तर उनीहरूले समयमै उम्मेदवारी दर्ता गरेनन् । अब अचानक समय थप गर्नुपर्ने माग गर्नु आश्चर्यलाग्दो छ ।
एक विद्यार्थीले भने यदि नेविसंघ साँच्चै प्रतिस्पर्धा गर्न चाहन्थ्यो भने समयमै तयारी गर्नुपर्थ्यो । तर नेविसंघका स्थानीय नेताहरूले भने यस विषयमा कुनै आधिकारिक धारणा सार्वजनिक गरेका छैनन् । उनीहरूले समय थपका लागि क्याम्पस प्रशासनलाई दबाब दिइरहेको स्रोतले बतायका छन । अब क्याम्पस प्रशासनले के निर्णय गर्छ र नेविसंघको भूमिकाले कस्तो मोड लिन्छ भन्ने हेर्न बाँकी छ ।
प्रतिक्रिया