SansherOnline
बैतडी : बैतडीको सिगास गाउँपालिकामा आजदेखि खुला भलिबल प्रतियोगिता सुरु भएको छ। प्रतियोगिता गाँजरी स्थित अर्जुन माविको खेलमैदानमा उद्घाटन समारोहसँगै सुरु गरिएको हो।
उद्घाटन खेलमा PYC ले आयोजक -C लाई २-० को सोझो सेटमा पराजित गर्दै विजयी यात्रा सुरु गर्यो।त्यस्तै, रिमापुर प्रगतिशील युवा क्लबले सिगाश-९ को बचपानीलाई २-० को सेटमा पराजित गर्यो। अर्को खेलमा चामाले सिगाश-१ को ईरनालाई सोझो २-० को सेटमा हरायो।
आजकै खेल अन्तर्गत कोटिलाले लेकमलाई २-१ को रोमाञ्चक सेटमा पराजित गर्दै प्रतियोगितामा विजयी सुरुवात गर्यो। सिगाश सेवा समाजकाे आयाेजनामा सुरू भएको प्रतियोगितामा १० टिमकाे सहभागीता रहेकाे छ ।
भाेलि २४ गतेसम्म सञ्चालन हुने प्रतियोगिताको विजेताले १५,००० हजार ,उपविजेताले ५,५०० पुरस्कार पाउने महेन्द्र घामीले जानकारी दिनुभयाे । यस्तै तृतीय पुरस्कार २,५०० दिइनेछ । प्रतियोगिताले भलिबल खेलाडी उत्पादनमा सहयोग मिल्ने विश्वास गरिएको छ ।
प्रतिक्रिया