SansherOnline
काठमाण्डौ : बैतडीका विपिन जोशी जीवितै रहेको इजरायलले जनाइएकाे छ । जिल्लाको दोगडाकेदार गाउँपालिका वडा नं १ घर भइ हाल कञ्चनपुर बस्दै आएका जोशी १४ महिना देखि हमासकाे नियन्त्रणमा छन । नेपालका लागि नवनियुक्त इजरायली राजदूत शमुलिक ए.वासले जोशी गाजा क्षेत्रमा जिउँदै रहेको सूचना पाएको बताउनुभएको हो ।
काठमाण्डौमा हिजो पत्रकारहरुसँग भएको भेटमा उहाँले विपिन छिट्टै काठमाण्डौ फर्किने विश्वास व्यक्त गर्नुभयो । विपिनलाई राखिएको ठाउँ भने अझै पहिचान भइनसकेको उहाँको भनाइ छ ।
हमासले विपिनसहित दुई सय ५१ जनालाई बन्धक बनाएर गाजा क्षेत्र लगेको थियो । त्यसमध्ये दुई पटक भएको युद्धविराममा एक सय पाँच जनालाई रिहा गरिएको थियो भने आठ जनालाई इजरायली सेनाले उद्धार गरेको थियो । विपिनसहित ९६ जना अझै हमासको नियन्त्रणमा रहेका र उनीहरुको रिहाईका लागि पहल भइरहेको राजदूत वासले बताउनुभयो ।
प्रतिक्रिया