SansherOnline
बैतडी : नेपाली कांग्रेस बैतडीको परामर्श बैठक आज सम्पन्न भएकाे छ। पार्टी कार्यालय गाेठलापानीमा बैठक सम्पन्न भएकाे नेपाली कांग्रेस बैतडीका सचिव देवराज जाेशीले जानकारी दिनुभयो ।
बैठकमा बाेल्ने अधिकांसले पार्टीलाई एकढिक्का भएर लैजानुकाे विकल्प नरहेकाे बताएका छन्। पार्टीभित्र रहेका मनमुटावलाई छलफलकाे माध्यमबाट समाधान हुने महाधिवेशन प्रतिनिधि तथा शिवनाथ गाउँपालिकाका अध्यक्ष कर्णसिंह साउदले बताउनुभयाे।
पार्टीभित्र देखिएका सामान्य विवादलाई हल गरेर अगाडि बढ्नुपर्ने सिगास गाउँपालिका अध्यक्ष हरिसिंह धामीले बताउनुभयो ।
पार्टीलाई विवादित बनाउन केही तत्व सक्रिय रहेकाले सजकता अपनाउनुपर्ने नेपाली कांग्रेस सुदूरपश्चिम प्रदेश सदस्य तेजबहादुर चन्दले धारणा राख्नुभयाे।
हरेक कामहरू विधानअनुसार भएकोले पार्टीभित्र बिना कारण विवाद गर्नुकाे कुनै अर्थ नरहेकाे नेपाली कांग्रेस बैतडीका सभापति चतुरबहादुर चन्दले बताउनुभयाे। कुनै कुरामा असहमति भए छलफलका माध्यमबाट समाधान गर्न तयार रहेकाे बताउदै सभापति चन्दले असन्तुष्टि भए छलफलमा सहभागी हुन आग्रह गर्नुभयो ।
परामर्श बैठकबाट आएका सुझाव तथा सल्लाहले भाेलि बस्ने जिल्ला कार्यसमिति बैठकले विभिन्न निर्णय गर्ने जनाएको छ।
प्रतिक्रिया