SansherOnline
बैतडी : आज गणतन्त्र दिवस नेपालमा गणतन्त्रको शुरुवात भएको १७ वर्षे पुगेको छ । १७ वर्षे किशोरावस्थाबाट गणतन्त्र अगाडी वढिरहेको छ । त्यसभन्दा पहिले देशमा थुप्रै शासन व्यवस्थाहरु चले । गणतन्त्र स्थापनाहुने समयभन्दा ठीक पहले नेपालमा राजतन्त्र थियो ।
त्यस ब्यवस्थाका रष्ट्र प्रमुख राजानै थिए । वि.सं. २०६२÷०६३ मा भएको शान्तीपूर्ण जनआन्दोलनपछि जारि भएको अन्तरिक संविधान अनुरुप सम्पन्न संविधान सभाको निर्वाचनपश्चात गठन भएको संविधान सभाको पहिलो वैठकले २०६५ साल जेठ १५ गते राजतन्त्रको अन्त्य गरी नेपालमा गणतन्त्र स्थापना भएको हो ।
तर अहिले गणतन्त्रको पुर्ण भोग गरिरहेका राजनीतिक दल तथा तिनिहरुका कार्याकर्तालाई गणतन्त्रको उत्सवले खासै छुदैन् । बैतडीमा आयोजना गरिएको गणतन्त्र दिवस २०८१ मा पनि राजनीतिक दलको उपस्थिती प्राय शुन्य थियो ।
निर्वाचित जनप्रतिनिधिको तर्फबाट जिल्ला समुन्वय समितिका प्रमुख खगेन्द्रसिंह धामी र उपप्रमुख दमन बहादुर कुँवरमात्रै कार्यक्रममा उपस्थित थिए । नेताहरुको आपसी झगडाले जनतालाई गणतन्त्रको अभास नभएको जिल्ला समुन्वय समितिका प्रमुख खगेन्द्र सिंह धामीको भनाई छ ।
उहाँले भन्नुभयो नेताहरु जनताको आकांक्षा पुरा गर्नुभन्दा पनि आफ्नो सुख भोग गर्ने तथा भ्रष्टाचारका गतिविधिमा लिप्त छन् । ’प्रजातन्त्र दिवस मनाएको स्मरण गर्दै प्रमुख धामीले भने “प्रजातन्त्र दिवस मनाउदा जनतामा एक प्रकारको छुट्टै उत्साह हुन्थ्यो र कार्यक्रममा ठुलो संख्याँमा भीड भएर मनाइन्थ्यो तर गणतन्त्र दिवसमा जनताको उपस्थितिनै छैन् यसले बुझिन्छ गणतन्त्र दिवसमा जनताको चासो छैन” ।
राष्ट्रपति जस्तो देशको संविधानको प्रमुख रक्षक भनेर चिनाइएको सर्वोच्च संस्थालाई पटक पटक विवादमा तानेर राजनितिक अभिष्टा पूरा गर्न खोज्नु, सरकार बनाउँदाभन्दा पनि निर्वाचनमा जनतामाँझ जाँदै गठबन्धन संस्कृतिको विकास गर्न खोज्नु, राजनितिक नीति, बिचार र सिद्धान्तभन्दा निजी स्वार्थबाट अगाडी वढ्नु, देशका प्रमुख पूराना भनेर चिनिएका दलहरुप्रति जनताको विश्वास घटेकोजस्तो देखिन थाल्नु र नीति, बिचार सिद्धान्त के हो भन्ने स्पष्ट चित्र नदेखिएका दलहरुप्रति जर्बजस्त जनमत वढेको देखिनु, स्वतन्त्र र स्वतन्त्रतालाई दलको रुप दिएर जनमत क्याँस गर्न खोज्नुलाई संविधानको १७ वर्षे यात्राको काँडो मान्न सकिन्छ । यी र यस्ता खालका बाटोका काँडाहरु पन्छाएर अगाडी वढ्न सक्दामात्र देशमा साँचो अर्थमा संघीय लोकतान्त्रिक गणतन्त्रले गन्तब्य तय गरेको भनेर भन्न सकिन्छ । 
दिवसको उपलक्षमा गणतन्त्र दिवस मुल आयोजक समितिले वृक्षारोपण, प्रभातफेरी, अन्र्तक्रिया साथै दिप प्रज्वलन कार्यक्रम गरि दिवस मनाइरहेको प्रमुख जिल्ला अधिकारी भीमकान्त शर्माले बताउनुभयो । उहाँका अनुसार दिवसका अवसरमा बैतडी सदरमुकास्थित गढीमा रहेको दशरथचन्दको शालिकमा माल्यार्पण समेत गरिएको थियो ।
प्रतिक्रिया