SansherOnline
बैतडी : पञ्चेश्वर गाउँपालिका - ४ भनकुडामा आगलागी हुँदा दुईवटा घर जलेका छन् । आगलागीमा स्थानीय जयबहादुर चन्दको ४ कोठे र ७ कोठे गरी २ वटा घरमा आगलागी भएको हो ।
जंगलमा लागेको आगोबाट घरमा आगलागी भएको जिल्ला प्रहरी कार्यालय बैतडीले जनाएको छ । आगलागीमा परी चन्दको अन्दाजी ५ लाख बराबरको क्षति भएको प्रहरीले जनाएको छ ।
आगलागी हुँदा घर र घरभित्र रहेका लत्ताकपडा, नगद, अन्न र सुनचाँदी सबै नष्ट भएको छ । आगो प्रहरी र स्थानीयको सहयोगमा नियन्त्रणमा लिइएको थियो । आगलागीबाट मानवीय क्षती भएको छैन् ।
जिल्लामा पछिल्लो समय दैनिक जसो आगलागीका घट्ना भइरहेका छन ।
प्रतिक्रिया