बैतडीको सन्सेरीमाण्डौमा लागेको जात्रा सम्पन्न

बैतडी : बैतडीको सुर्नया गाउँपालिका–४ सन्सेरीमाण्डौमा लाग्ने बिसु मेला सम्पन्न भएको छ। नयाँ वर्षको पहिलो दिन यहाँ बिसु पर्वका रुपमा धुमधाम संग मनाउने गरिन्छ । सोही अवसरमा सन्सेरीमाण्डौमा प्रत्येक वर्ष लाग्ने बिसु मेला आज वैशाख १ गते सम्पन्न भएको हो ।

परापूर्व काल देखि नै सुर्नयाको सनसेरीमाण्डौँमा नयाँ वर्ष अर्थात बिसु पर्वका दिन मेला लाग्दै आएको छ । सनसेरीमाण्डौँमा लागेको मेलामा दर्शनार्थीहरुको घुइचो लाग्ने गरेको स्थानीयले बताए ।

सनसेरीमाण्डौँ बजारसम्म अहिले यातायातको सुविधा भएकाले पनि टाढाटाढाबाट समेत दर्शनार्थीहरु आउने गरेका स्थानीयहरुको भनाई छ ।