SansherOnline
बैतडी : खानेपानी तथा सरसफाई डिभिजन कार्यालय नं १ ले चालु आर्थिक वर्षमा ढाई सय बढि खानेपानीका योजना निर्माण गर्दै छ ।
बैतडी र दार्चुला दुई जिल्ला कार्यक्षत्र भएको कार्यालयले दुईटै जिल्लामा चालु आर्थिक वर्षमा २६६ खानेपानीका योजना निर्माण गर्न लागेको हो ।
संघ र प्रदेसबाट बजेट विनियोजित भई आएका यि योजनाहरुको सम्झौताको काम भइरहेको छ । केहि योजनामा भने काम पनि संचालन भइसकेको खानेपानी तथा सरसफाई डिभिजन कार्यालय नं १ बैतडीका कम्युटर अपरेटर उत्तम भट्टले बताउनु भयो ।
प्रदेसबाट २०८ योजना निर्माणको लागि बजेट आएको छ भने संघ बाट ५८ खनेपानी योजना निर्माणको लागि बजेट आएको खानेपानी तथा सरसफाई डिभिजन कार्यालय बैतडीका प्रमुख गोविन्द देवकोटाले बताउनु भयो ।
संघ र प्रदेस बाट चालु आर्थिक वर्षमा पूजीगत तर्फ ३२ करोड ९४ लाख ५० हजार बजेट आएको छ भने चालु तर्फ २ करोड १४ लाख बजेट आएको छ ।
जसमध्ये दोस्रो त्रैमासिक सम्म पूजीगत ४ करोड ४६ लाख २ हजार ८७४ रुपयाँ खर्च गरिएको छ भने चालुतर्फको ८ लाख ६७ हजार ९४८ रुपयाँ खर्च गरिएको छ ।
प्रतिक्रिया