SansherOnline
बैतडी : बैतडीको शिवनाथ गाउँपालिकाले भूकम्पपीडितलाई सवा लाख दिने भएको छ । गाउँपालिकाका अध्यक्ष कर्ण सिह साउदले जाजरकोट र रुकुम पश्चिमका भूकम्पपीडितका लागि १ लाख २५ हजार पठाउने निर्णय भएको जानकारी दिए ।
आइतबार बसेको कार्यपालिका बैठकले राहत स्वरुप आर्थिक सहयोग गराउने निर्णय गरेको शिवनाथ गाउँपालिकाका प्रमुख प्रशासकीय अधिकृत नरेन्द्र सिह महताले जानकारी दिए । जाजरकोटलाई ७५ हजार तथा रुकुम पश्चिमलाई ५० हजार रुपैँया सहयोग उपलब्ध गराउने गाउँपालिकाले जनाएको छ ।
जाजरकोट र रुकुम पश्चिम जिल्लाको जिल्ला विपद् व्यवस्थापनलाई सो रकम उपलब्ध गराइने गाउँपालिका प्रमुख प्रशासकीय अधिकृत महताले बताए ।
शुक्रबार राति ११ बजेट ४७ मिनेटमा जाजरकोटको रामीडाँडा आसपास केन्द्रविन्दु भएर गएको भूकम्पले जाजरकोट सदरमुकाम खलंगासहित नलगाड गाउँपालिका, बारेकोट गाउँपालिका तथा रुकुमपश्चिमका आठविसकोट नगरपालिका र सानीभेरी गाउँपालिकामा ठुलो क्षति गरेको छ ।
प्रतिक्रिया