SansherOnline
बैतडी : नेपाल प्रहरीले ६८ औँ प्रहरी दिवसको अवसरमा निबन्ध लेखन प्रतियोगिता गर्ने भएको छ । कक्षा ८ देखि १० सम्म अध्ययनरत विद्यार्थीहरुले सहभागिता जनाउन पाउनेछन्। ‘समुदायमा नेपाल प्रहरीको भूमिका’ विषयमा निबन्ध लेखन प्रतियोगिता गर्न लागेको हो ।
त्यसका लागि सम्बन्धित स्थानीय तह वा सम्बन्धित जिल्ला प्रहरी कार्यायमा यही असोज १० गतेभित्रै नाम दर्ता गरिसक्नु पर्ने छ । १२ गते बिहान ८ देखि ११ बजेसम्म निबन्ध लेखनको लिखित परिक्षा हुने छ । निबन्ध १५ सय देखि २हजार शब्दमा लेख्नुपर्ने छ ।
जिल्लामै गठन गरिने मुल्याङ्कन समितिले गरेको निर्णयको आधारमा प्रथम स्थान हासिल गरेका विद्यार्थीको निवध्न सहितको विवरण प्रदेशमा पठाइने जिल्ला प्रहरी कार्यालय बैतडीका प्रहरी निरिक्षक खेम बिक्रम केसीले जानकारी दिए । जिल्लामा भएको परीक्षामा प्रथम प्रथम, द्वितिय र तृतिय हुने विद्यार्थीलाई असोज अन्तिम वा कार्तिक पहिलो साता हुने ६८ औँ प्रहरी दिवसको अवसरमा सम्मान गरिने उनले बताए ।
देशभरीबाट प्रथम स्थान हासिल गर्ने विद्यार्थीलाई नगद २५ हजार प्रदान गर्दै सम्मान गर्ने कार्यक्रम रहेको बताइएको छ ।
प्रतिक्रिया