SansherOnline
बैतडी :बिहीबार र शुक्रबार विभिन्न कार्यक्रमको आयोजना गरि बैतडीमामा २० औँ निजामती सेवा दिवस मनाइएको छ । निजामती सेवा समिति संयोजक एवं प्रमुख जिल्ला अधिकारी सुरेश पन्थी को संयोजकत्वमा गठित मूल समितले बिहीबार कार्यलयहरुमा सरसफाई र वृक्षारोपण गरेको थियो । बिहीबार कार्यालयहरुमा सरसफाई र वृक्षारोपण गर्दै निजामती सेवा दिवसको सुरुवात गरिएको थियो ।
बिहीवार जिल्लास्थित शिक्षा विकास तथा समन्वय इकाई र स्वास्थ्य कार्यालय बैतडीको प्रांगणमा वृक्षारोपण गरिएको थियो । यस्तै कर्मचारी मिलन केन्द्र बैतडीको सयोगमा जिल्लास्थित बिरेन्द्र माविमा रहेको अनाथालयका विद्यार्थीहरूलाई २० थान टावेल र शैक्षिक सामग्री हस्तान्त्रण गरिएको थियो । यस्तै बिहीवारनै सरसफाइ डिभिजन कार्यालय बैतडीको परिसरमा सरसफाइ सहित वृक्षारोपण गरिएको थियो ।
अनि शुक्रबार बिहान र्याली निकालीको थियो । आजनै जिल्ला प्रशासन कार्यालय बैतडीमा हाजिरीजवाफ प्रतियोगिता गरिएको हो । जिल्ला स्थित विभिन्न कार्यालयमा कार्यरत कर्मचारीहरु सम्मेलित नौ ओटा समूह बनाएर हाजिरीजवाफ प्रतियोगिता गरिएको प्रशासन कार्यालय बैतडीका सूचना अधिकारी शंकर बहादुर बोहराले बताए । सो प्रतियोगितामा पत्तालभुमेश्वर समूह प्रथम भएको छ । यस्तै महाकाली समूह द्धितिय, ग्वालेक तृतिय र निङ्गालशैनी समूहले चौथो स्थान प्राप्त गरेको हो ।
हाजिरीजवाफ प्रतियोगिता प्रथमलाई ५ हजार १ सय सहित प्रमाणपत्र, द्धितियलाई ३ हजार १सय सहित प्रमाणपत्र , तृतियलाई २ हजार १ सय सहित प्रमाणपत्र र सान्तोवना पुरस्कार १ हजार एक सय सहित प्रमाणपत्र प्रदान गरिएको सूचना अधिकारी बोहराले बताए ।
सुदूरपश्चिमका १७ जना कर्मचारी पुरस्कृत भया पनि बैतडीबाट कुनै पनि कर्मचारी पुरस्कृत नभएका जिल्ला प्रशासन कार्यालयका सूचना अधिकारी बोहराले बताए । यता जिल्ला प्रशासनले भने कार्यालयमा उत्कृष्ट काम गर्ने एक जना कर्मचारीलाई सम्मान गरेको छ । कम्प्युटर अपरेटर सुरेन्द्र देब भट्टलाई प्रशासनले नगद पाँच हजार सहित सम्मान गरेको सूचना अधिकारी बोहराले बताए ।
२०१३ साल भदौ २२ गते निजामती सेवा ऐन जारी भएको दिनको अवसर पारेर हरेक वर्ष भदौ २२ गतेलाई निजामती सेवा दिवसको रुपमा मनाउने गरिएको छ ।
प्रतिक्रिया