SansherOnline
बैतडी: बैतडीको दोगडाकेदार गाउँपालिकाका विद्यालयहरुमा एकदिनका लागि गाउँपालिकाभरका शोकविदा दिने निर्णय गरेको छ । दोगडाकेदार गाउँपालिका–६ सित्तडस्थित भगवती माविका प्रधानाध्यापक गणेशसिंह भण्डारीको दुःखद निधनप्रति शोक मनाउँदै मङ्गलबार शोकविदाको घोषणा गरेको हो ।
गाउँपालिका अध्यक्ष चक्र बहादुर कार्कीद्वारा जारी शोक विज्ञप्तीमार्फत गाउँपालिकाभरका सम्पूर्ण सामुदायिक विद्यालयलाई शोकविदा दिन आह्वान गरिएको छ । शिक्षा क्षेत्रमा पुर्याएको योगदानलाई सधैं सम्मान र स्मरण गर्ने उल्लेख गरिएको छ ।
लामो समयदेखि शिक्षण पेशामा रहेका भण्डारीको उपचारका लागि अस्पताल लैजाने क्रममा बाटोमै सोमबार मृत्यु भएको बताइएको छ ।
प्रधानाध्यापक भण्डारीको निधनले बैतडीको शिक्षा क्षेत्रमा अपुरणीय क्षति पुगेको शिक्षा क्षेत्रका जानकाहरुले बताएका छन् । पछिल्लो समयमा भगवती माविमा प्रधानाध्यापकको रुपमा कार्यरत भण्डारीले लामो समय प्रशिक्षकको रुपमा समेत काम गरेका थिए ।
प्रतिक्रिया