SansherOnline
बैतडी : बैतडी सहित सुदूरपश्चिमका ६ पहाडी जिल्लामा विद्युत सेवा अवरुद्व भएको छ । आइतबार बिहानबाट दार्चुला बाहेक सुदूरपश्चिमका ६ जिल्लाको विद्युत सेवा अवरुद्ध भएको हो ।
डोटीको रुवसकाँडामा १ सय ३२ केभि प्रशारण लाइनको तार टुटेपछि विद्युत सेवा अवरुद्ध भएको नेपाल विद्युत प्राधिकरण वितरण केन्द्र बैतडीका प्रमुख पवन भट्टले बताए । अत्तरियादेखि स्याउले सव स्टेशन जोड्ने ट्रान्समिसन लाइनको रुवसकाँडास्थित टावरको एउटा तार टुटेको र बनाउन समय लाग्ने बताइएको छ ।
अत्तरियाबाट टोली रुवसकाँडा आइसकेको बताइएको छ । विद्युत सेवा सञ्चालन गर्न केही समय लाग्ने स्रोतले बताएको छ । विद्युत सेवा अवरुद्ध हुँदा उपभोक्ता समस्यामा परेका छन् ।
प्रतिक्रिया