SansherOnline
बैतडी : डिलाशैनी गाउँपालिका बाँहेक यहाँका चार नगरपालिका र ५ गाउँपालिकाले अगामी आर्थिक वर्ष २०८०÷८१ को बजेट ल्याएका हुन् ।
सरकारी वित्त व्यवस्थापन ऐन र स्थानीय सरकार सञ्चालन ऐनले सबै स्थानीय सरकारले असार १० गतेभित्र नयाँ आर्थिक वर्षको नीति, कार्यक्रम र बजेट आआफ्नो सभामा पेस गर्नुपर्ने कानुनी व्यवस्था छ । तर डिलाशैनी गाउँपालिकाले नीति तथा कार्यक्रम सभामा पेश गरेको छ भने बजेट ल्याएको छैन् ।
गाउँपालिकाले नीति तथा कार्यक्रम सभामा पेश गरेको र असार १५ गते बजेट ल्याउने तयारी गरेको गाउँपालिकाका प्रवक्ता यज्ञराज भट्टले जानकारी दिए । क्षेत्रगत हिसाबले बाँडफाँड गर्नुपर्ने सभामा पेश नगरिएको र अब १५ गते बजेट ल्याइने उनले बताए ।
बजेट ल्याएका कतिपय स्थानीय तहहरुले क्षेत्रगत रुपमा बजेट बाँडफाँड गरिसकेका छन् भने केही स्थानीय तहहरुले डल्लो बजेट ल्याएर असार २५ गतेभित्र बाँडफाँड गरिने बताएका छन् ।
प्रतिक्रिया