SansherOnline
बैतडी : नेपाल विद्यार्थी संघले तिहार तथा छठ पर्वको अवसरमा शुभकामना आदान–प्रदान कार्यक्रम सिगास शिक्षा क्याम्पस गाँजरीमा सम्पन्न गरेकाे छ । नेवि संघका जिल्ला अध्यक्ष विरेन्द्रकुमार साउँदको अध्यक्षतामा शुक्रबार सम्पन्न भएको शुभकामना आदानप्रदान कार्यक्रममा नेविसंघका केन्द्रीय सदस्य कपील केसी प्रमुख अतिथी रहेका थिए ।
कार्यक्रममा नेविसंघका केन्द्रीय सदस्य रामचन्द्र महरा, नेपाली कांग्रेसका क्षेत्रीय सहसचिव दिपक धामी, सिगास गाउँपालिका समिति सचिव भानसिंह धामी, सिगास शिक्षा क्याम्पसका स्ववियु सभापति लोकेन्द्र धामी लगायतको सहभागिता रहेको थियो ।
साे कार्यक्रममा बाेल्दै नेविसंघ केन्द्रीय सदस्य केसीले लोकतान्त्रिक पार्टीभित्र अलोकतान्त्रिक चरित्र स्वीकार्य नभएको बताए । जिल्लामा नेविसंघका दुईओटा कार्यसमिति रहेकोतर्फ इंगित गर्दै समस्या समाधानमा नेतृत्वले चासो देखाउनुपर्नेमा उनले जोड दिए ।
कार्यक्रममा नेविसंघका जिल्ला अध्यक्ष साउँदले संघको संगठन विस्तारका लागि आफूहरु लागि परेको बताए ।
प्रतिक्रिया