बैतडी : बैतडीमा एकैरातमा तीन वटा पसलमा चोरी भएको छ । गएराती जिल्लाको पाटन नगरपालिका-१ स्थित डैसीली र सकारका ६ वटा पसलहरुमा चोरी भएको हो ।

पाटन नगरपालिका-१ का वडा अध्यक्ष तर्क सिंह ठगुन्नाका अनुसार पसल फोडेर चोरी भएको देखिन्छ । डैसीलीका रघुबिर सिंह बोहरा, सेर सिंह बोहरा, देवदत्त भट्टराई, बाशुदेव भट्टराई र दुर्गा भट्टराईको पसल तथा सकारका ओम प्रकाश भट्टराईको पसलमा चोरी भएको हो ।

ती सबै गाउँका किराना पसलहरु रहेको बुझिएको छ । पसलहरुबाट नगदसहित चाउचाउ, बिस्कुट, रिचार्ज कार्ड लगायतका किरानाका पसलहरुमा चोरी भएको व्यावसायीहरुले बताएका छन् । केही पसलहरुमा ताला फुटाइएको छ भने केही पसलहरुमा ढोका फुटाइएको छ ।

कती रुपैया र कती मुल्य बराबरको सरसामान चोरी भएको भन्नेबारे खुलेको छैन ।