SansherOnline
बैतडी : नेपाल विद्यार्थी संघ बैतडीले पनि सबै स्थानिय तहहरुलाई ज्ञापन पत्र बुझाएको छ । नेविसंघको ५५ औं स्थापना दिवसको अवसरमा स्थानीय तहलाई ज्ञापनपत्र बुझाएको हो ।
विद्यालयको बर्तमान शैक्षिक अवस्थाको अनुगमन, अध्ययन, अनुसन्धान गर्न केन्द्रिय कार्यसमितिको निर्णय अनुसार बैतडीका १० औटै स्थानिय तहहरुलाई ज्ञापनपत्र बुझाइएको नेपाल विद्यार्थी संघका जिल्ला अध्यक्ष केशव चन्दले जानकारी दिए ।
शिक्षा क्षेत्रमा देखीएका विभिन्न चुनौतीहरुको समाधानका उपायसहित १७ बुँदे ज्ञापनपत्र बुझाइएको नेविसंघका नेता जयन्त प्रसाद भट्टले जानकारी दिए । उनका अनुसार वर्तमान शैक्षिक अवस्थाको अनुगमन, अध्यन एवं अनुसन्धान गर्न तथा आधारभूत र माध्यमिक तह सम्मको शिक्षामा देखिएका विद्यालयका साँझा समस्या समाधान गर्न माग सहित स्थानीय सरकारलाई ज्ञापन पत्र बुझाइएको नेवि संघका नेता भट्टले बताए । सुर्नया गाउँपालिकाका प्रमुख प्रशासकीय अधिकृत हर्ष बहादुर रोकालाई ज्ञापन पत्र बुझाइएको उनले बताए ।
दिवसको अवसरमा देशभरिका ७५३ वटै स्थानीय तहमा ज्ञापन पत्र बुझाएको नेता भट्टले बताए।
प्रतिक्रिया