बैतडी : बैतडीमा जिप दुर्घटना भएको छ । जिल्लाको पुर्चौडी नगरपालिका ८ लामुनिमा जिप दुर्घटनामा परेको जिल्ला प्रहरी कार्यालय बैतडीले जनाएको छ ।

नगरपालिकाको वडा नं १ हाटबाट किरानाको सामान बोकेर वडा नं ८ लामुनि आउँदै गरेको सुप-प्र- ०१००१च२८५७ नम्बरको बोलेरो जिप आइतबार बिहान १० बजे दुर्घटनामा परेको जिल्ला प्रहरी कार्यालय बैतडीका प्रहरी प्रवक्ता प्रहरी निरीक्षक नन्द राज जोशीले जानकारी दिए । जिप दुर्घटना हुँदा चालक सामान्य घाइते भएको बताइएको छ । दुर्घटनाको कारण नखुलेको र थप अनुसन्धान भैरहेको प्रहरी प्रवक्ता जोशीले बताए ।

प्रहरीका अनुसार जिपमा चालक मात्रै सवार थिए । जिप सडकबाट ४ सय मिटर तल खसेको बताइएको छ ।