बैतडी : बैतडीको दशरथचन्द नगरपालिका १० खडेनी स्थित पञ्चकोटी युवा क्लव द्वारा आयोजीत महिला क्रिकेट प्रतियोगीता आजबाट सुरु भएको छ । प्रतियोगीताको बिहिबार नेपाल क्रिकेट संघ ९क्यान० का अध्यक्ष चतुर बहादुर चन्दले एक समारोहका बिच प्रतियोगिताको उद्घाटन गरेका हुन् । 

बुढाबाजे खेल मैदानमा आयोजीत प्रतियोगीतामा ७ टीमहरु सहभागी रहेका छन् । लिग चरणका खेलाइने प्रतियोगीताको पहिलो दिन सम्पन्न भएको खेलमा दशरथचन्द नगरपालिका वडा न. ८ ले विजय सुरुवात गरेको छ । वडा न. ४ र ८ बीच भएको खेलमा वडा न. ८ ले १०२ रन बनाएको थियो । जवाफी व्याटीङमा उत्रेको वडा न. ४ ले १५ ओभरमा ३ विकेट गुमाउदैँ जम्मा ६० रन मात्रै बनाउन सक्यो । यस खेलमा जानवी मौनी म्यान अफ द म्याच घोषीत भएको आयोजकले जनाएको छ ।

उद्घाटन समारोहको सम्बोधन गर्दै क्यानका अध्यक्ष चन्दले खेल क्षेत्रका नाममा अनुचित ठाउँमा लगानी नगर्न स्थानियतहहरुलाई सुझाव दिएकाछन् । उनले स्थानीय तहले खेल प्रतियोगीताहरु आयोजना गरेपनि अनुचित ठाउँमा बढी लगानी गरिरहेको बताउनुभयो । उहाले भन्नुभयो ,‘अहिले राष्ट्रपती रनिङ सिल्ड, मेयर कप लगायत विभिन्न प्रतियोगीता गरिरहेको देखिन्छ तर अन्धाधुन्द रुपले कार्यकर्ताहरुलाई ड्रेस बितरण गरिएको छ । देहिमाण्डौँमा खेल हुदाँ १ सय २५ जनालाई ड्रेस वितरण गरिएको छ, यो अनावश्यक लागानी हो, सबै पाट्रीका कार्यकर्ताले पाए होलान्, तर हामीले राष्ट्रिय स्तरको प्रतियोगीता गर्दा पनि बढीमा १ दर्जन व्याक्तिलाई ड्रेस बाडिन्छ । खेल मैदान निर्माणका नाममा लाखौँ करोडौँ रकम खर्च गरेपनि उचित मैदानमा लगानी भएको छैन् । पालिकाहरु कसैका कुरा सुन्दैनन्, उचित किसिममा सल्लाहरु मान्दैनन् ।’ 

 उहाले जिल्लाको बुढाबाजे खेल मैदान निर्माण गर्नुपर्ने देखिएकाले यसतर्फ लगानी लगाउन दशरथचन्द नगरपालिकालाई सुझाव दिए । कार्यक्रममा उपस्थीत दशरथचन्द नगरपालिकाका उपप्रमुख कौशिला चन्दले खेल क्षेत्रमा उचित लगानी गर्न प्रतिवद्ध रहेको बताउनुभयो । 

उद्घाटन समारोहमा सहभागी जिल्ला क्रिकेट संघ बैतडीका अध्यक्ष बिनोद बहादुर चन्दले खेल क्षेत्रलाई बिथोल्न विभिन्न प्रयासहरु हुने गरेकाले त्यस्तो नगर्न आग्रह गरेका छन् ।  
 
पञ्चकोटी युवा क्लवका अध्यक्ष दिनेश चन्दले बुढाबाजे खेल मैदान निर्माणका ध्यान दिन सरोकारवाला निकायमा आग्रह गरे । खेल मैदानका लागि स्थानीयबासीले पर्याप्त जग्गा दान गरेपनि उचित ठाउँमा लगानी नहुदाँ मैदान निर्माण हुन नसकेको बताउनुभयो । 

क्लवको वार्षिकोत्सव समारोहको अवसरमा आयोजना गरिएको क्रिकेट प्रतियोगीतामा प्रथम पुरुस्कार ३० हजार तथा द्धितीय पुरुस्कार १५ हजार रकमका साथमा मेडल प्रमापत्र राखिएको छ । सहित सप्ताहलाई समेत मध्यनजर गर्दै सञ्चालन भएको प्रतियोगीता १ हप्तासम्म सञ्चालन हुनेछ । 

सम्बन्धित शीर्षकहरु

वनको डढेलो निभाउने क्रममा घाईते बिष्टको उपचारका लागि आर्थिक अभाव

सुदूरपश्चिमका मुख्यमन्त्री सोडारीले २१ गते विश्वासको मत लिने

बैतडीको सिगास घर भएका कृपाचार्य अवस्थीको ९७ वर्षको उमेरमा निधन

इलाममा रास्वपाका लिम्बुसहित १६ जना र बझाङमा ८ जनाको जमानत जफत

नेपाल घुम्ने साइकल यात्री बैतडीमा

तौल घटाउन जान्नै पर्ने २१ कुरा