SansherOnline
बैतडी : शनिबार रातिदेखिको अविरल वर्षा संगै पहिरो खस्दा बैतडीको खोडपे–बझाङ जोड्ने जयपृथ्वी राजमार्ग अवरुद्ध भएको छ । बैतडीको पाटन नगरपालिका ८ को झौलेक मोड नजिक सडकमाथीबाट खसेको ढुंगाले सडक अबरुद्ध बनेको हो।
राजमार्ग खुलाउनको लागि बझाङको झोताबाट लोडर मगाइएको छ । सडक अबरुद्ध बनेलगत्तै दुई वटा जेसीबी लगाएर ढुंगा फाल्ने प्रयास गरिएको थियो । तर जेसीबीले ढुंगा फाल्न नसकेपछि झोताबाट लोडर मगाइएको खोडपे प्रहरी चौकीका इन्चार्ज, प्रहरी सहायक निरिक्षक गणेश बिकले जानकारी दिए ।
राजमार्ग अवरुद्ध हुँदा दर्जनौँ सवारीसाधन रोकिँएका छन । यात्रुहरू बीचबाटोमै अलपत्र परेका छन्। लोडर आज (सोमबार) ११ बजेभित्रै पुग्ने र लगत्त सडक सुचारु हुने प्रहरीले बताएको छ ।
प्रतिक्रिया