दार्चुला –दार्चुलामा अरिंगालको टोकाइबाट एक बालकको मृत्यु भएको छ । मृत्यु हुनेमा शैल्यशिखर नगरपालिका ६ ग्वानीमा ६ वर्षीय बालक प्रशान्तसिंह धामी रहेका प्रहरीले जनाएको छ ।
जिल्ला प्रहरी कार्यालय दार्चुलाका अनुसार आइतबार दिउँसोतिर आमासँगै खर फागला गएका प्रशान्तलाई घर फर्कने बेला अरिंगालले टोकेको थियो ।
अरिंगालले चिलेपछि उनलाई उपचारका लागि गोकुलेश्वर अस्पताल लगिएको भए पनि उपचारको क्रममै मृत्यु भएको प्रहरीले जनाएको छ ।
प्रतिक्रिया